हे ! बीर देशका तिमी कहाँ गयौ ?

के भयो ?आज पवित्र भुमि,
            त्यो  रोहिरहेछ ,
हे ! बीर देशका तिमी  कहाँ गयौ ?
              देश आफै खोजिरहेछ !

बचाऊ  आफ्नो बीर गाथा ,
             खुकुरी लिएर हातमा ,
गुमिरहेछ देश आज ,
              कुल्चदै ईतिहासमा !
गाइरहेछन् तिम्रो गाथा ,
               दिन उपहार होइन उपहासमा !

उठ, जाग अब बीर तिमी ,
              बिलम्ब भईरहेछ !
भिड्नै  पर्दो रहेछ आफ्नै देश महाँ
            देश कै बिषले खोजिरहेछ !

हेर सगरमाथा कति गम्भीर छ आज ,
           ती पाखा पखेरीहरु पर्खिरहेछन् !
गाउने गित सल्ला घारीको
            ती आफै भनिरहेछन्  !

गुराँसको फुलसँगै रमाउने डाँफे र मुनालहरु
           आज ती झोक्रिरहेछन् !
हे ! बीर देशका तिमी, कहाँ गयौ ?
            तिमीलाई नै खोजिरहेछन्  !

मेटिदैछन् तिम्रा निशानीहरु ,
           मुस्कान छैन आज कतै !
खेलिरहेछन् रास्ट्रियतामा ,
            ज्योतिको पथ हराई रहेछ जता ततै !

उम्रेको फूलको बोट पनि ,
           अज्ञानले भाँचिरहेछन्  !
लडिरहेरहेछन् आफ्नै स्वार्थ महाँ ,
           देशको गौरबलाई मासिराहेछन् !

दिएर चोट जनतालाई ,
          आफै बनिरहेछन्  !
के भयो ?आज पवित्र भुमि ,
          त्यो रोईरहेछ !
हे ! बीर देशका तिमी ,कहाँ गयौ ?
बुझिदेउ  देशले के मागिरहेछ ?
         तिम्रो मातृभूमि तिमीलाई नै खोजिरहेछ !!!!!!!!!



लेखिका ;सुमित्रा पौडेल चितवन भरतपुर
हाल; इजरायल २०१०/८/१९


नमस्कार प्रिय मित्रहरु आज हजुरहरुको सामु  राष्ट्र र राष्ट्रियतालाई जगेर्ना गर्ने सन्देश पस्किने प्रयास गरेकी छु / हजुरहरुको अमुल्य सुझाब र प्रतिक्रिया नै सदा झैँ कलम अगाडी बढ्ने प्रेरणाको श्रोत बन्नेछ  धन्यबाद हजुरहरुको हरेक क्षण शुभ रहोस् /